Vaaw lan Paaw hoi hua
Body
- Misei hua ka thua ccyh lya ze
ka thya counaw Bawipaw Jesu
ka thawzung zya ccyh lya thungnaw
ka dan khyh ccyh lya dannaw
yn sawpha boilei paw Jesu
akuih thungnaw te yn ccia khae
Jordan tuili tuh tho zemah
amaw nynh yn zua khae cih
Vaaw lan namaw kae hoi te tuh
lae kya hobou paw ka hoi khyh
Vaaw lan paaw hoi hua ka hoi kou te tuh
amaw kya ccakang naw um khyh
amaw kya ryachi naw um khyh
amaw kya ngaethya naw um khyh
tuh-e hiinnaw bungku oh.
- Mit te muih paw laephi pynsaw
tuh thawzya te um salamah
muih kho lei paw lungkhu hiinnaw
na thungnaw na langsah ku
thethya te maethya naw rang kya
dahung dahang zia nae ccang pya
ka ccasoi lanpi yn vae zya cite
yn ringtu ka Paaw
- Laephi kya mihaw mithya te
puithya hae paw kou a lung hae
tuh hae lakuh ccungkia lei hua
a ccaw lan yn pokutu
na mit te nae ring zungzae zah
ka ccing leinaw muih pya leite
miding hawte nae ccoupaw hyn
ka phu lei hythua nynh thua.
- Pou apa lou na ccaw kae tuh
nae sungsah haw kae sungsah ru kho khyh
na halan zyn kae ccang khyh zia
ka tua ze mitphi nynh lua
nintakyh ka hiinnaw rang kya
sei thawthae kute lei ka rah
ka hiinnaw ccyh dyn taraw hyn
Comments