Doh is Ab.
1. Tyty kae ngaw nyng Bawipaw, laephi riathae mohnaw kya,
Na raepaw Salem khopi tuh eih ka ngaetu vae;
Laephi riathaenaw te mohnaw kya ka um zemah,
Ngae leite ka um kho khyh, thaw nae cci nawpaw tuh.
Vaaw ram hooy Eden khua thawpaw,
Ngaethyanaw um leinaw ram tuh;
Hotuh vema ka thua bua cih,
Leesaenaw zungzae awpaw puithyapaw kya.
2. Oun naekuhtua lah Bawipaw, rhawpaw alung laephi kya,
Chiise te shawty‘ae paw, ngaethyanaw te rah‘ae;
Laehi vaw na um lya, na vawsawnaw Kalvari,
Na rhaw‘ae kha oun cceih‘ae, na ram dou khylan te.
3. Pou Bawipaw teisang khuinmah, Zion mua rhaw daenaw tuh,
Seithyaanaw thawccinaw tui, ka hanlan na luanaw;
Misei khumnaw na kuih, zungzae hiinnaw na vaaw ram,
Khumtypaw na ccaaw‘ae, lungtuate paenaw‘ae tuh.
4. E laephi tuh azo cih, aromaw ze azo cih,
Khumtu Bawi he oun ko te, laephi ka cciataw cih;
Bawipaw thawccinaw te, leesaenaw ka ccou vae cih,
A thawcci nawpaw um lya, lungtua, Haleluja.
