Doh is G.

1. Ka ngae nyng Zion khua thawpaw,

        Bawi um nawpaw ram ka tua;

        Lungdeinaw te ka touh zungzae,     

        Lae vaw riathae cciataw lan.

            Pou ram hooyhua Jesu umnaw,

            Bawipaw ram muih lan ka peki;

            Ka thua mawlaezung ka Bawipaw,

            Soleite oun hoeibua lah.

2. Vaaw‘ae tuh sake a daw‘ae,

        Vawsawnaw ngaethyanaw blyn;

        Chinaw mua cceih paw nynh ka thua,

        Hiinnaw ram lang cceih oh sih.

3. Pynsaw laephi hynh dotua oh,

        Ngaethyanaw maeking haw zi;

        Laephi hynh cciataw lan ka ry,

        Ka rah nyng Bawipaw malang.

4. Ngaengannaw oun pya lah Bawipaw,

        Chinaw ccaaw lungtua nawlan;

        Rawnaw lae vawlan blyn athaan,

        Zion ram tuh touh oh sih.