Social Share

THADYN OH JESU ELANG -007

HLAW_POSTED_BY Zotung Minphuin     8 December 2016    

Body

Doh is Bb.

 

  1. Thadyn oh Jesu elang, vaelang rhawkaw takua,

Bawi nynaw boei kha hetua, la taesakuh nan oh,

Thawsaete ah tae oh te rhawkaw phe phia lan vae,

Rhaw balyn be ah tae oh te, Bawipaw ccaccing ci lan.

 

  1. Thadyn oh Jesu elang, mungkae the kha ngaetua,

Amaw rhaw kha la doutua, tunin tho lah cceih oh,

Rhaw lung zemah phang nan oh, thawsaenawte tae oh,

Thawsaepaw na thua keiccu, rhaw lung zemah thadyn.

 

  1. Thadyn oh Jesu elang, amaw lia kyalyate,

Nae thaw na doliaku ze na shung mamin cih oh,

Pachia dawphua thehooypaw, khawkuh lah sawsang oh,

Thawsaepaw na thua keiccu, Jesu elang thadyn.

 

  1. Thadyn oh Jesu elang, rhaw tuh khaw tuk lei lan,

Tunin rhaw na dou cih zah, muakaw thehooy nawlan,

Rhaw a tae hae paw balyn, phu-enaw mawe cih hae,

Na Bawipaw Jesu ryte, zungzaete na hiin cih.

Comments

0 comments