Social Share

KA MUISAW NGAETUA! -001

HLAW_POSTED_BY Zotung Minphuin     8 December 2016    

Body

Doh is D.

 

  1. Ka muisaw ngaetua vaawlang hlawsahpaw kha,

       Laephi lungtua rilipi cia athaan;

       Hlawsah hae paw thehooy kha ah thae oh tuh,

       Lung pleihkute seishawnaw bya a ho.

 

Byakin accing vaaw ccungccaw hae balyn nynh,

Ngaekhin um lei lante hlaw a sah  hae;

Zete rawnaw awkhua lungtuanaw hooyhua,

Khuazinaw kha sungsah nynh a aw sah.

 

  1. Hlaw the na thae oh tuh malang khe cceih oh,

       Vawsawpaw te ryachi rang oh a ci;

       Khuazi lungkhu Bawi Jesu nynh ae ko oh,

       Vaawlang laanpi muisatupaw nynh thua.

      

  1. Laansaw lang khuin zete dakhin the hawte,

       Laephi vawlan Bawi Jesu the athaan;

       Athung nynh kaw khyh phupaw ripaw balyn nynh,

       Tuuring Bawipaw na kalan khe kae cceih.

      

  1. Ngaethyanaw ccyh kha atu sae salamah

       Khuazi cciataw lungtua khua oun dae cih;

       Riathae  hae paw ccianaw laanpi oun thang te,

       Muisaw ngaengannaw sui khua ah thua cih.

Comments

0 comments