Doh is G.
1. Pou Bethlehem nang khua taraw, Daebabi lante
na um, Ziraccyng khe nang na kyate,
Vaawlang te awsi yn lang; Daenaw laanpi kyakhe,
Azungzaete leih aw, Kum saepi ngaehoite rinaw,
Namaw kyate yn thua.
2. Pou nanning vaawlang awsi hae, Mithyaa puinaw
kong ho oh, Pachia thehoysah ccungccaw kya,
Daenaw yn umsah cite; Mary kyate Khri a pui,
Vaaw ccungccaw pumkuh hae, Ziraccyng khe oun
rung hae zah, Sungsahnaw te do hae.
3. Daebabi ngaeang ru huapaw, Lasung kha oun pya vae
nyn, Pachia nynh a vaaw hythuanaw,
Lae vaw ccungccaw kha oun pya; Lae vaw ccungccaw
nynh a the thae kho khyh hae zemah,
Lungne hae paw lungkhu balyn,
Khri nynh a tee cih.
4.
A thyaapaw Bethlehem imua,
Kaening kyahin yn rungtua, Kae
lungkhu sei thyaasah kho nawlan,
Tee lah tunin yn puitua;
Vaaw hae nynh Khrimas lungtuanaw,
Bya hopaw ka thae, Bawipaw rangtua
kaening kalan, Ah Bawipaw Emmanuel.
