Doh is

1. Ka hiinnaw hynh ccyh sinsung taraw,

        Phungpaw zeipaw nynh thua, ka zei vae paw;

        Ka phungpaw ka tua ze, Bawipaw malang,

        Muihsah lanpaw, zia hooypaw ka hoi khyh,

        Lae-uccaw te maethyanaw cci nynh thua.

2. Atu kae cceih, sungsatu ka paaw,

        Na sungsanaw lungkhu lang ka seimenaw

        Leh te alee huapaw thawccinaw lia,

        Misei thyaapaw lang nae rae vae ka Paaw,

        Ka hiinnaw te, phung hooypaw na zei vae.

            //Bawipaw tuh ahooy, ahooy,//

            Ccukhou cceih‘ae, michi tho‘ae,

            Mitzu‘ae nynh ngawmuih vae‘ae,

             //Bawipaw tuh ahooy, ahooy.//

3. Hiin thawsaenaw muih kho nawlan,

        Khise tuileih laku hin ka ccangkuh;

        Ka thungnaw nang na thua, a khuliakuhpaw

        Pynsaw kya atynpaw Thyaa Muisaw,

        Nae pya keiccu ka thinphang khyh ka Paaw.

4. Hiinnaw hooy lei, thing te lung‘ae, hanpaw kae nae poku;

        Hote riapaw hawnaw hoi khyh zemah baccing na thua,

        Hiinnaw na thua, tynre Pachia na thua,

        Na ccaaw‘ae pe, ka Paaw bya leih nae pya.

5. Pynsaw thinlung, Muisaw dannaw,

        Hiinnaw pyatu na thua, na phu-enaw a langku kho nawlan,

        Ngeccih dan‘ae, Michi tho‘ae, Muisaw mit aw vae‘ae,