Doh is F.
1.
Kae miseipaw elang Bawi Jesu a chih vae,
Ccungkia lei ka muisaw khum khylan;
Vaelantah laanpi rupaw kae keiccu myn zui,
Ka seinaw balyn ngaethya khylan.
Ka seinaw balyn kha vaelan kya a khiade,
Pawcih vawsaw riathaenaw a ing,
Ngaethya phuin takyhte Jesu Kalvari kya,
Ka seinaw balyn pong cciakhae vae.
2.
Ccungkia lei ka tungvaw hin lungsaenaw
hoi zah, Ka lungthin b'lyn kha yn thyaasah
vae; Thethyanaw ccou leite kae kha myn
yn luesah, Ka seinaw vaelan kya khiade vae.
3.
Ka seimenaw kha yn thyaasah pya vae cite,
Ka lungthin b'lyn te ka munglae te; Lungtua
hlawsahte Khum Bawi ka thehoysah cih
Amaw kha zungzae ka zui vae cih.
