Doh is F.
1. Bawipaw thehoynaw lang mung te lae nynh,
Kaw te ccangpaw thuanaw nynh ccing khyh hae,
Hallelujah Amen ci kyalya nynh,
Kae ka thungnaw zunghe nynh thua;
A thaethya leitu nynh dou hae zemah.
A muih kho lei hae nynh ccae hae zemah
Hallelujah Amen ka sia zetuh,
Ka pynsaw te muisaw phuri azaw
Hallelujah Amen ka siakhae cih,
Hallelujah Amen pei ka ho cih,
Athua, eenaw ka nyh zah kou ka ry,
A thungnaw zia ka nyh zah houh ka kyngku,
Hallelujah Amen ka sii hoyhua,
Te ka thawzung te thungnaw nynh athua.
2. Hallelujah Amen thungnaw thungte,
Vaethya cancer ccihpaw mah pong oun dan hae,
Raerangsaro hoipaw hae nynh luenaw,
Mue te Bawipaw tuh thehoysah hae;
Lungkhu rhawdounaw lang mangtua oh sih,
Tolang rhawdounaw lang mangtua oh sih,
Muisaw ccaaw hae rhaw ah taenaw oh tuh,
Hallelujah Amen ka zaw boi khyh.
3.
A hiinpaw nynh Bawipaw tuh thehoysah hae,
Mihchi nynh tuh thehoysah kho kh yh hae,
Thehoy hiin hoitu hae munglae tuh,
Hallelujah nynh athua;
Amen ci tuh Khri Jesu min nynh thua,
Amen kya tuh tynre mah phe accing kou,
Amen hoitu innbyn hae kya tuh,
Lae te vaaw rhosung hoitu hae nynh athua,
4
Bawipaw sungsahnaw hynh na Amen tou?
Bawipaw hythuanaw hynh na Amen tou?
Ah Pachia Muisaw ryalawnaw hynh,
Na hiinnaw kya na Amen tou?
Na Amen paw lungkhu dannaw a um,
Na Amen paw lungkhu lungtuanaw um,
Na Amen paw lungkhu hythuanaw um,
Amen te thinlung thuakaw hung oh sih.
