-
1.6K Views 0 Comments 0 Likes 0 Reviews
Zotung minphuin hae tuh langmaw lya khawhrung (lawki) beihnaw te lahung haeza, nawzaenaw te sawsangnaw lah mang vae haeze (Khuhzi Pachia) cite abeihpaw hae hynh leh lahko cite langmaw nungpaw hae khahlaa kyate thae athua. 1933 kum te masatou Kriccaw beihnaw hynh thoty lahthua cite laanmawtu nungpaw hae kyate nynglang a um.
Lawki seilya Zotung hae mih behnaw, ccyh mangnaw te sawsagnaw tuh a kawlang ethyhaw te muih lang aung.
Innbyng nawzaenaw (pyngsia nawzaenaw te a lo kuh)
1. Vaedii hii (Ccangphaw vua)
Dang vaekhyhze pawtemou nawzaenaw raelang cipaw nyngnaw khylang ccangphaw te mae-e ccyng haeza, Ccinaw (ngeiccoi) min khah hote Vaedii te mae-e kae hii (vua) naw thawngte dangnaw kae mawize vohpi chia te siithoinaw karae cih cite sawsang athua.
2. Lusi hya
Rang lang thuakhyhze voi lang makhae lusi (lurei, lucci) ccinaw hoilang thuaze awtui pyngkheh khah ccong te sua haeza inn vawlang kheh bing te sithoinaw raepaw hynh lusi hya cite ko athua.
3. Sawsi hya
Pyngsaw reingya paw te ccangpaw ccinaw ccangkhahkheh a ungze shaw (sawsi) lang chihpaw ccungccaw keiccu cite tuanaw ungza, ngaedih ccekheh te vaedii khah hii (vua) haeza “ hynh-e ngaedih te vaedii hii naw thawngte kaeda thuaze, Aw thuakhyze Oi te siithoinaw kae raecih” cite sawsangnaw nih athua.
Sithoinaw thawngte adang hae thuaze shaw lang chihpaw mih inn lang cceihaeza sahpaw deilahleipaw awse (or) oi khah douh (ngia) haeza koikua lialang ungpaw shawchih paw saw kyakhe aw (or) oi lae khah dung haeza ahing te sawpaw sithoinaw khah area hae.
4. Lungpyng hya
Thyypawkunaw keiccu thuasa, ahangpaw inn te thing hae kyate ccaawzei thuasa, ccaawnaw kya e longpyng khah khuin te tui a ungpaw banaa lungkhu khe aphang kou haete kaeda lang thuaze, sahing te sithoinaw karae cih cite banaa lungkhu e tui te long khah pyngkheh lang lae (vua) athua.
Mih sawsangnaw thyhaw tea dang hae thuaze aw (or) voh te anaw hae.
5. Langzae
Ccungccaw luhkhakheh tuh nyngleipaw (khohzi lungthang apua atho kyate aethua paw cite tuapaw) ccinaw ccangkhakheh ahoi thuaze aw te thuasa ccangpaw sahing te innmalang sakuih kyakhe naaw (sithoinaw) athua.
Naawzaenaw kya aebangpaw (alaepaw) aenia haekhah koikua lialang langpi kyakhe nong athua.
